Um 71% landsmanna eru mjög eða fremur hlynntir því að leiguþak verði sett á húsnæði á Íslandi. Leiguþak er hámarksleiguverð á leiguhúsnæði miðað við stærð, gæði og staðsetningu.

Þetta kemur fram í könnun sem Maskína framkvæmdi fyrir Samtök leigjenda dagana 2. til 12. september. Svarendur voru 1.249 talsins.

Sósíalistar mest hlynntir leigubremsu

Samtökin telja ljóst að meginþorri almennings vilji verja leigjendur fyrir því „óstjórnlega okri“ sem geisað hefur á leigumarkaði, en aðeins lítill minnihluti vilji það ekki. Vandinn sé sá að sá minnihluti ráði stefnu stjórnvalda, að því er fram kemur í fréttatilkynningu samtakanna.

Þá eru um 72% mjög eða fremur hlynnt leigubremsu, viðmiði um hve mikið húsaleiga má hækka yfir tiltekið tímabil. Kjósendur Sósíalistaflokksins (76%) og Samfylkingar (59,2%) voru líklegastir til að vera mjög hlynntir slíku en síst kjósendur Sjálfstæðisflokksins (29,1%) og Viðreisnar (37,9%).

Tengdar fréttir

Húsnæðismarkaðurinn

Áætla að tíu þúsund íbúðir standi tómar á Íslandi

• Leiguverð spilar stærra hlutverk en áður
• Verulegur skortur á íbúðarhúsnæði blasi við
• Hátt í 600 nýjar íbúðir í Hafnarfirði
• Kostnaðarsöm aðlögun

» Fleiri tengdar fréttir

• Blogga um frétt