Samkaup kærir ákvörðun Heilbrigðiseftirlitsins

Samkaup kærði ákvörðun Heilbrigðiseftirlits Reykjavíkur um sölustöðvun á Lucky Charms morgunkorni í verslunum Samkaupa í Reykjavík, þar með talinni netverslun, frá og með 15. júní.

Til stuðnings um sölustöðvun vísaði Heilbrigðiseftirlit Reykjavíkur til almennrar yfirlýsingar sem framleiðandi morgunkornsins, General Mills, gaf frá sér í mars 2021. Í þeirri yfirlýsingu kom fram að hann gæti ekki lengur dreift Lucky Charms til Íslands vegna breytinga á uppskrift morgunkornsins sem stangist á við löggjöf ESB og EES.

Í kærunni sem Samkaup sendir frá sér kemur jafnframt fram að umrædd ákvörðun hafi verið verulega íþyngjandi fyrir kæranda. Þá kemur jafnframt fram að í slíkum tilvikum væru gerðar meiri kröfur til málsmeðferðar stjórnvalds og að Heilbrigðiseftirlitið gæti ekki sinnt rannsóknarskyldu þeirri sem á eftirlitinu hvíli.

Þá væri aðeins væri vísað til meira en ársgamalla yfirlýsinga frá General Mills og Nathan&Olsen. Auk þess var ekki með neinum hætti tilgreint hvort og þá hvaða innihaldsefni morgunkornsins Heilbrigðiseftirlitið teldi ólögmæt eða gegn hvaða reglum hefði verið brotið. 

Frétt af mbl.is

Rannsaka Lucky Charms vegna fjölda kvartana

Frétt af mbl.is

Lucky Charms nú fáanlegt sem pönnukökumix

• Blogga um frétt