Minnast Elísabetar drottningar í Hallgrímskirkju
Setja bókamerki
Biskupsstofa, Reykjavíkurprófastsdæmi vestra og Hallgrímskirkja munu standa fyrir minningarathöfn um Elísabetu drottningu sunnudaginn 18. september klukkan 20:00. Frá þessu er greint í fréttatilkynningu frá Biskupsstofu.
Athöfnin fer fram í Hallgrímskirkju, en sérstök tengsl eru á milli kirkjunnar og Ensku biskupakirkjunnar. Í Hallgrímskirkju hafa enskir jólasöngvar verið sungnir ár hvert síðan skömmu eftir að kórkjallari kirkjunnar var vígður. Í kirkjunni hafa anglíkanskar messur verið haldnar af og til með stuttum hléum, en samfellt frá árinu 2001 einu sinni í mánuði.
Organisti Hallgrímskirkju mun leika á orgelið og söngfólk úr Kór Hallgrímskirkju syngur.
Við athöfnina munu þjóna þau sr. Bjarni Þór Bjarnason, sr. Helga Soffía Konráðsdóttir, sr. Sigurður Árni Þórðarson og sr. Irma Sjöfn Óskarsdóttir.
Fólk getur tendrað ljós inni í kirkjunni til minningar um drottninguna.
Athöfnin fer fram á ensku og sálmarnir sem verða sungnir eiga það sammerkt að hafa verið uppáhaldssálmar Elísabetar drottningar. Auk þess mun breski sendiherrann vera við athöfnina.
Allir eru hjartanlega velkomnir í Hallgrímskirkju þetta sunnudagskvöld.
Landris nálgast nú einn metra
Ráðherra þarf að taka af skarið
Illviðri spáð á morgun
Vilja halda í bíóhúsið
Guðlaugur býður sig ekki fram til formanns
„Pólitískur hráskinnaleikur“ kom í veg fyrir samning
Svona er plan ríkisstjórnarinnar
Myndir: Víða tjón eftir kröftuga vindhviðu