Áreitti konur í miðbænum

Maður var vistaður í fangageymslu eftir áreitni í garð kvenna í miðbæ Reykjavíkur. Hann var einnig í mjög annarlegu ástandi og var því látinn gista fangageymslu.

Tilkynnt var um ölvaðan mann að ónáða gesti á veitingastað. Hann var farinn þegar lögregla kom á vettvang.

Einnig barst tilkynning um fólk að tjalda þar sem ekki má tjalda. Fólkið fannst ekki.

Bifreiðir skemmdar

Lögregla hafði afskipti af konu í annarlegu ástandi sem hafði skemmt bifreið. Rætt var við málsaðila og allt liggur ljóst fyrir í málinu, að því er segir í dagbók lögreglunnar á höfuðborgarsvæðinu.

Ökumaður var sektaður fyrir að aka á 110 km hraða þar sem hámarkshraði er 80 km/klst.

Tilkynnt var um skemmdarverk á þremur bifreiðum í umdæmi  lögreglunnar í Hafnarfirði og Garðabæ. Málið er í rannsókn.

Skemmdarverk við skóla

Einnig var tilkynnt um skemmdarverk við skóla þar sem leiktæki var skemmt. Málið telst upplýst.

Í umdæmi lögreglunnar í Kópavogi og Breiðholti var maður handtekinn vegna gruns um vörslu og sölu fíkniefna. Efni og fjármunir voru haldlagðir og er málið í rannsókn.

• Blogga um frétt