Sólveig býður sig fram
Setja bókamerki
Sólveig Anna Jónsdóttir, formaður Eflingar, hefur ákveðið að bjóða sig fram sem 2. varaforseta Alþýðusambands Íslands (ASÍ). Þetta tilkynnti hún á Facebook-síðu sinni rétt í þessu.
„Kæru félagar, ég hef verið gagnrýnin á Alþýðusamband Íslands,“ hefst færslan.
Segir Sólveig vilja snúa við þróun sem hún segir einkennast af „ömurlegri stéttasamvinnu-hugmyndafræði, Salek-kreddum og yfirtöku sérfræðingastéttarinnar á kostnað áhrifa félagsfólks og lýðræðislegra vinnubragða“.
„Ég trúi því að með nýrri forystu, nýjum áherslum og nýjum vinnubrögðum sé mögulegt að umbreyta Alþýðusambandinu. Það getur orðið máttugt og lýðræðislegt samband vinnandi fólks.“
Bætir hún við að hún styðji Ragnar Þór Ingólfsson, formann VR, í framboði hans til forseta sambandsins.
Hafði ekki ákveðið sig í gær
Greint var frá því í gær að Ragnar Þór vildi Sólveigu sem annan varaforseta sambandsins. Í kjölfarið var haft samband við Sólveigu sem sagðist ekki enn hafa tekið ákvörðun.
Kosið verður í forystu sambandsins á þingi þess sem fram fer 10. til 12. október.
Færsla Sólveigar Önnu í heild sinni:
Mjög dýrt að tryggja landamærin
Illviðri gengur yfir landið í dag
Viðreisn gæti valið stjórn
110 milljónir í stöðu prófessors
Frestar skerðingum fyrir norðan og austan
/frimg/1/52/96/1529614.jpg)
Hálf öld liðin frá hvarfi Geirfinns
Óvissustigi á Vestfjörðum aflýst
Upptökur með leynd færast í vöxt
