Kristín Linda Árnadóttir, aðstoðarforstjóri Landsvirkjunar, verður nýr formaður samninganefndar ríkisins.

Þetta kemur fram í tilkynningu.

Þessa dagana er unnið að því að ljúka skipan samninganefndarinnar fyrir komandi kjaraviðræður. Gildandi kjarasamningar á almennum vinnumarkaði renna flestir skeið sitt á enda á síðasta ársfjórðungi þessa árs en flestir kjarasamningar opinberra starfsmanna gilda til loka marsmánaðar.

Bandalög opinberra starfsmanna hafa óskað eftir að kjaraviðræður hefjist sem fyrst og er skipan nýs formanns liður í að undirbúa viðræðurnar.

Gert er ráð fyrir að aðrir í nefndinni komi úr röðum starfsfólks kjara- og mannauðssýslu ríkisins (KMR) og ráðuneyta og eftir atvikum frá stofnunum ríkisins með þekkingu á kjarasamningsumhverfi stærstu starfsstétta hins opinbera, segir í tilkynningunni.

Tengdar fréttir

Kjaraviðræður

Kennarar boða til verkfalla í fimm framhaldsskólum

• Ríkissáttasemjari boðar formann KÍ á sinn fund
• Fagnar lækkun en hefur einnig áhyggjur
• Verkfallið fær „mjög hraða meðferð“
• Reyndi ekki að liðka fyrir lausn deilunnar

» Fleiri tengdar fréttir

• Blogga um frétt