500 útvörp á 35 vörubrettum

Saga útvarps á Íslandi er að nálgast 100 ár og mjög merkileg, eins og Sigurður Harðarson rafeindavirki þekkir vel.

Hann hefur ásamt félögum sínum bjargað fjölda gamalla útvarpstækja og fróðleik um þau frá glötun. Safnið telur yfir 500 tæki og er geymt á 35 vörubrettum. Draumurinn er að opna safn um útvarpstæknina.

Nýlega fékk Sigurður fjögur gömul útvarpstæki utan af landi. Þar af var ein gerð sem vantaði í safnið. 

Ítarlegt viðtal við Sigurð má lesa í Morgunblaðinu í dag.