Fjórir menn voru handteknir í viðamiklum samræmdum aðgerðum lögreglu í gær. Mennirnir eru grunaðir um að undirbúa hryðjuverk hér á landi. Hér er það sem við vitum að svo stöddu.

• Rannsókn á alvarlegu vopnalagabroti var upphafið að málinu.

• Við rann­sókn lög­reglu komu fram upp­lýs­ing­ar sem leiddu til gruns um að í und­ir­bún­ingi væru árás­ir gegn borg­ur­um rík­is­ins og stofn­un­um þess.

• Þetta er líklega í fyrsta skipti sem lögreglan á Íslandi hefur rannsakað undirbúning að hryðjuverkum.

• Ætla má að árásarmennirnir hafi beint sjónum sínum að Alþingi eða lögreglu, að sögn Karls Steinars Valssonar, yfirlögregluþjóns hjá embætti ríkislögreglustjóra.

Frétt af mbl.is

Megi ætla að Alþingi eða lögregla væru skotmörk

Upplýsingafundur vegna aðgerða lögreglu í dag. mbl.is/Eggert Jóhannesson

 Fjórir menn handteknir í gær

• Fjórir íslenskir karlmenn á þrítugsaldri voru handteknir af sérsveitinni í gær í umfangsmiklum aðgerðum í Holtasmára í Kópavogi og á iðnaðarsvæði í Mosfellsbæ.

• Mennirnir eru grunaðir um að undirbúa hryðjuverk og annars vegar innflutning skotvopna, íhluta í skotvopn og skotfæra og hins vegar framleiðslu skotvopna.

• Menn­irn­ir eru þá grunaðir um að hafa fram­leitt íhluti í vopn með þrívídd­ar­prent­ara.

• Brotin varða við a-lið 100. greinar hegningarlaga, þar sem kveðið er á um að fyrir hryðjuverk skuli refsa með allt að ævilöngu fangelsi, og ýmis brot talin upp sem falla þar undir. Sömu refsingu skuli sá sæta sem í sama tilgangi hótar að fremja þau brot.

• Tveir þeirra hafa verið úrskurðaðir í gæsluvarðhald, annar í viku, hinn í tvær vikur.

• Þjóðaröryggisráð var upplýst um aðgerðir lögreglu um það leyti sem þær hófust í gær, að sögn Katrínar Jakobsdóttur forsætisráðherra.

Frétt af mbl.is

Upplýst þegar aðgerðir fóru af stað

Lagt hald á tugi skotvopna

• Húsleit hefur verið framkvæmd á níu stöðum.

• Lögregla hefur lagt hald á tugi skotvopna, þar á meðal hálfsjálfvirkar byssur, ásamt þúsundum skotfæra.

• Lögreglan hefur einnig lagt hald á tölvur og síma. 

• Lög­regla tel­ur sig vera með stærsta hluta vopn­anna í sinni vörslu.

• Lög­regl­an á Íslandi er í sam­tali við er­lend lög­gæslu­yf­ir­völd en verið er að skoða hvort að ein­stak­ling­arn­ir teng­ist er­lend­um öfga­sam­tök­um. 

• Á einhverjum tímapunkti voru allt að 50 lögreglumenn að störfum vegna málsins.

• Lögreglan kveðst ekki geta útilokað að fleiri einstaklingar tengist málinu.

Frétt af mbl.is

Skoða tengsl mannanna við erlend öfgasamtök

Það sem við vitum ekki

• Hver tilgangur áætlaðra árása var.

• Hvort mennirnir tengist öfgahópum, en á fundinum var sérstaklega spurt hvort þeir væru tengdir þjóðernissinnum.

• Hvort mennirnir hafi áður komið við sögu lögreglu.

• Hvenær áætlað hafi verið að fremja hryðjuverk.

• Hvort tilætluðum árásum hafi verið beint að ákveðnum hópum eða einstaklingum.

Tengdar fréttir

Ákært fyrir hryðjuverk

Hryðjuverkamálinu áfrýjað til Landsréttar

• Ekki búið að áfrýja málinu: Vika til stefnu
• „Þetta var ekkert grín“
• Hryðjuverkalöggjöfin geti verið endurskoðuð
• Ríkið greiðir bróðurpart málsvarnarkostnaðar Sindra og Ísidórs

» Fleiri tengdar fréttir

• Blogga um frétt