Annar mannanna sem handtekinn var í gær vegna gruns um skipulagningu á hryðjuverkum hér á landi var einnig handtekinn fyrir tíu dögum síðan vegna gruns um að framleiða vopn.
Sami maðurinn er talinn hafa framleitt þrívíddarprentaða byssu sem notuð var í skotárás í miðbæ Reykjavík fyrr á árinu þar sem maður var skotinn í brjóstið.
Þetta herma heimildir fréttastofu Rúv.
Þar segir einnig að maðurinn hafi verið látinn sæta einangrun í eina viku en var látinn laus 20. september, einum degi áður en hann var aftur handtekinn vegna gruns um skipulagningu hryðjuverka.
Sigríður Björk Guðjónsdóttir, ríkislögreglustjóri, sagði í samtali við Rúv að málið væri framhald af öðru máli sem tengdist framleiðslu á vopnum.
Mennirnir sem handteknir voru í fyrradag í tengslum við skipulagningu á hryðjuverkaárás, bæði í iðnaðarhúsnæði í Mosfellsbæ og í Holtasmára í Kópavogi, höfðu í fórum sínum íhluti í vopn prentaða með þrívíddarprentara.
Sigríður Björk sagði einnig að verið væri að skoða öll gögn í málinu meðal annars tæki, síma, og tölvur.
Setja bókamerki
„Höfum sloppið bærilega með skaða af þessu gosi“
Viðræður ekkert þokast frá því á þriðjudag
Sjötti ferðamaðurinn er látinn
Hraun kemur úr þremur gígum: Virknin stöðug
Sólveig Anna furðar sig á aðferðum kennara
Litlar líkur á að hraunið nái til mannvirkja
Nýtt fangelsi í landi Stóra-Hrauns tilbúið 2028