Aðili ótengdur hryðjuverkamáli, sem lögreglan upplýsti um í fyrradag, hefur orðið fyrir verulegum óþægindum þar sem hann ber sama nafn og sakborningur í málinu.

Varð það meðal annars vegna myndbirtingar og umfjöllunar fjölmiðla um rannsókn á málinu. Einn einstaklinganna er sitja í gæsluvarðhaldi, hefur verið nafngreindur á einum fjölmiðli í dag.

„Sýnum aðgát í nærveru sálar“

Gunnar Hörður Garðarsson, upplýsingafulltrúi Ríkislögreglustjóra, biðlar til fólks að sýna aðgát og varfærni þar sem umfjöllun um sakborninga er annars vegar, að því er segir í tilkynningu frá embættinu.

„Sýnum aðgát í nærveru sálar, jafnt á samfélagsmiðlum sem annars staðar,“ segir í niðurlagi tilkynningarinnar.

Tengdar fréttir

Ákært fyrir hryðjuverk

Hryðjuverkamálinu áfrýjað til Landsréttar

• Ekki búið að áfrýja málinu: Vika til stefnu
• „Þetta var ekkert grín“
• Hryðjuverkalöggjöfin geti verið endurskoðuð
• Ríkið greiðir bróðurpart málsvarnarkostnaðar Sindra og Ísidórs

» Fleiri tengdar fréttir

• Blogga um frétt