Hitamet á haustjafndægri

Á föstu­dag­inn var haust­jafn­dæg­ur, en það er þegar dag­ur­inn er um það bil jafn­lang­ur nótt­unni hvar sem er á jörðinni. Helg­ast það af því að þá er sól beint yfir miðbaug jarðar. Eru jafn­dæg­ur bæði að vori og hausti.

Trausti Jóns­son veður­fræðing­ur bend­ir á það í tísti á Twitter að aldrei áður hafi jafn hár hiti mælst á haust­jafn­dægri hér á landi og síðasta föstu­dag. Þá mæld­ist hit­inn á Dala­tanga, nesi á milli Seyðis­fjarðar og Mjóa­fjarðar, 24,1°C. Hæsti hiti sem áður hafði mælst um haust­jafn­dæg­ur mæld­ist árið 1973, þá 23,5°C, einnig á Dala­tanga.

• Blogga um frétt