Búið er að ná tökum á eldinum sem kviknaði í iðnaðarhúsnæði á Egilsstöðum. Enn er þó unnið í að slökkva í glæðum í húsinu sem er nokkuð stórt. 

Þetta segja sjónarvottar.

Algjört altjón er á húsi efnalaugarinnar Vasks en það tókst að bjarga Landsnetshúsi sem er sambyggt en eldvarnarveggur er þar á milli. 

Slökkviliðsmenn rífa nú þakið af húsinu þeim megin sem kviknaði í til þess að eldurinn komist ekki eftir þakklæðningunni og læsi sig í Landsnetshúsið. 

Hús Vasks varð alelda á 10 til 15 mínútum að sögn sjónarvotta. Mikinn, kolsvartan reyk lagði yfir Egilsstaði en slökkvistörf gengu greiðlega miðað við aðstæður. 

Tengdar fréttir

Stórbruni á Egilsstöðum

Eldsupptök enn óljós

• Rannsókn á vettvangi er lokið
• Brunarannsókn hefst um leið og það er óhætt
• Slökkviliðið að störfum langt fram eftir morgni
• Áhrif brunans mikil – þvotturinn sendur á Höfn

» Fleiri tengdar fréttir

• Blogga um frétt