Þrettán brugghús komin með leyfi

Þrettán handverksbrugghús eru komin með leyfi frá sýslumanninum á Suðurlandi til að selja eigin framleiðslu út af framleiðslustað.

Þetta kemur fram í svari sýslumanns við fyrirspurn mbl.is. Smiðjan brugghús, í Vík, varð í júlí síðastliðnum fyrsta brugghúsið sem fékk í hendurnar leyfi til að selja bjór á framleiðslustað í samræmi við breytt lög um smásölu áfengis. 

Frétt af mbl.is

Áslaug Arna keypti fyrsta bjórinn

Brugghúsin sem hafa fengið leyfi eru eftirtalin:

• Hið austfirska bruggfélag ehf.
• Bruggsmiðjan Kaldi ehf.
• Litla Brugghúsið ehf.
• Sunna ehf.
• Dondi ehf.
• 22.10 ehf.
• S.B. brugghús ehf.
• Dokkan brugghús ehf.
• JG Bjór ehf.
• The Brothers Brewery ehf.
• Einfalt ehf.
• Eimverk ehf.
• Smiðjan brugghús ehf.

Bruggsmiðjan Kaldi er á meðal þeirra sem hafa fengið leyfi. mbl.is/Skapti Hallgrímsson

Misjafnt er hvað leyfisferlið tekur langan tíma, segir einnig í svari sýslumanns. Embættið sendir umsóknir til umsagnar til sveitarfélaga þar sem ferlið tekur mislangan tíma.

Frétt af mbl.is

Tíu brugghús komin með leyfi

„Sveitarfélögin þurfa að taka afstöðu til 5 atriða í umsögn sinni og þurfa að kalla eftir upplýsingum frá t.d. heilbrigðiseftirliti og slökkviliði. Stysti tíminn hingað til hefur verið 8 dagar, frá því að sótt var um leyfi og þangað til það var gefið út,“ segir í svarinu.

• Blogga um frétt