Árni Þórður útskrifaður af Landspítala

Árni Þórður, son­ur Sigga storms, er út­skrifaður af Land­spít­ala eft­ir tæp­lega árslanga dvöl vegna líf­færa­bil­un­ar. Árni veikt­ist mjög al­var­lega í des­em­ber á síðasta ári og var strax sett­ur í önd­un­ar­vél á gjör­gæslu. 

Frétta­blaðið grein­ir frá en í frétt miðils­ins er haft eft­ir Sig­urði Þ. Ragn­ars­syni, sem einnig er þekkt­ur sem Siggi storm­ur, að son­ur hans hafi fengið lækna­bréf á fimmtu­dag­inn þar sem hann var út­skrifaður. Nú tek­ur við eft­ir­fylgni og eft­ir­lit hjá Árna sem varð 30 ára í síðasta mánuði.

Frétt af mbl.is

„Þetta er hræðileg lífs­reynsla og ég gleymi þessu aldrei“

Hræðileg lífs­reynsla

Siggi hef­ur verið dug­leg­ur að deila frá veik­ind­um son­ar síns og hef­ur m.a. komið fram í hlaðvarpi Sölva Tryggva­son­ar. 

„Þetta er hræðileg lífs­reynsla og ég gleymi þessu aldrei. Ég var stadd­ur í út­lönd­um þegar það hring­ir í mig kona frá gjör­gæslu­deild­inni og seg­ir mér að dreng­ur­inn minn sé kom­inn í önd­un­ar­vél, sé í lífs­hættu og staðan sé al­var­leg,“ sagði Sig­urður í hlaðvarp­inu um veik­indi son­ar síns.

„Við hjón­in átt­um flug nokkr­um dög­um síðar, en keypt­um miða dag­inn eft­ir og kom­um. Svo byrj­ar tími sem er þannig að fyrst tek­ur maður þetta allt á hnef­an­um og er bara í sjokki. Það er stans­laus kvíði í mag­an­um, en síðan ger­ist það að þegar áfallið fer að lengj­ast þá tær­ist maður smám sam­an að inn­an og maður fer að end­ur­hugsa allt varðandi lífið. Það sem manni fannst merki­legt áður skipt­ir mann nán­ast engu máli í dag. Hver ein­asti dag­ur snýst meira og minna um það hvaða frétt­ir maður muni fá í dag.“

• Blogga um frétt