Tvær konur og einn karlmaður voru í kvöld úrskurðuð í vikulangt gæsluvarðhald vegna morðsins í Ólafsfirði í nótt. Þau voru leidd fyrir dómara í Héraðsdómi Norðurlands eystra á Akureyri um kvöldmatarleytið og þar var fallist á kröfu lögreglu.

Fjögur voru upphaflega handtekinn en einum hefur síðan hefur verið sleppt. Fréttastofa RÚV greinir frá.

Karlmaður á fimmtugsaldri var stunginn með eggvopni en hann var gestkomandi í húsinu. Endurlífgunartilraunir báru ekki árangur og var maðurinn úrskurðaður látinn á vettvangi.

Arnfríður Gígja Arngrímsdóttir aðstoðaryfirlögregluþjónn segir í samtali við RÚV að lögregla sé með nokkuð skýra mynd af því sem átti sér stað, en rannsókn sé þó enn á frumstigi og verið sé að afla gagna til að skýra þá mynd enn frekar. 

Tengdar fréttir

Manndráp á Ólafsfirði

„Umbjóðanda mínum er mjög létt“

• Var að verjast „óvæntri og lífshættulegri árás“
• Sýknaður eftir að hafa hlotið átta ára dóm
• „Ömurlegt“ að rifja manndrápið upp
• Hnífstungurnar ekki nauðsynlegar til að verjast árás

» Fleiri tengdar fréttir

• Blogga um frétt