Nauðsynlegt er að grípa til viðeigandi ráðstafana á norðanverðu landinu vegna illviðris sem gengur yfir landið á sunnudag.

Gular viðvaranir hafa verið gefnar út á Vestfjörðum, Ströndum og Norðurlandi vestra, Norðurlandi eystra og Austurlandi að Glettingi.

„Viðbúið er að röskun verði á samgöngum í svona veðri og einnig þarf að ganga frá öllu utandyra og koma búfénaði í skjól. Ferðir á milli landshluta verða erfiðar, og vissara að skipuleggja þær á laugardag eða mánudag,“ segir í færslu Veðurstofunnar á Facebook.

Viðvörunarstig gæti hækkað

Veðurstofan bendir þá á að viðvörunarstig geti mögulega hækkað þegar nær dregur. Til fjalla er spáð hríð meira og minna allan sunnudaginn, fyrst norðvestan til.

Þá er spáð hvassri norðanátt og mikilli úrkomu, á láglendi er spáð slyddu eða rigningu í fyrstu en síðan slyddu og snjókomu. 

Tengdar fréttir

Óveður í október 2022

Gul viðvörun og erfiðum akstursskilyrðum spáð

• Vatnselgurinn upp um niðurföll
• Björguðu „bjartsýnum“ ferðamönnum uppi á heiði
• Fólk betur undirbúið fyrir óveðrið
• Bárðdælingar enn á varaafli

» Fleiri tengdar fréttir

• Blogga um frétt