Jón Svanberg Hjartarson, fagstjóri aðgerðamála hjá almannavörnum, segir stefna í „ansi stóran hvell“ á morgun, en spáð er miklu óveðri á norðaustanverðu landinu. Almannavarnir funduðu í morgun með veðurfræðingum, björgunarsveitum og öðrum viðbragðsaðilum.

„Þetta veður virðist ætla að raungerast. Við munum virkja samhæfingarstöðina í fyrramálið, klukkan 11, en það getur alltaf breyst,“ segir Jón í samtali við mbl.is.

Jón Svanberg Hjartarson, fagstjóri aðgerðamála hjá almannavörnum. Ljósmynd/SÓS

Rauð viðvörun tekur gildi í fyrramálið fyr­ir Norður­land eystra og Aust­ur­land að Glett­ingi. Á Norður­landi vestra verður app­el­sínu­gul viðvör­un all­an dag­inn, en á Norður­landi eystra og á Aust­ur­landi kem­ur rauð viðvör­un inn í þá app­el­sínu­gulu.

Sú rauða tek­ur gildi klukk­an 13 á Norður­landi eystra, en klukk­an 17 á Aust­ur­landi að Glett­ingi og er í gildi í 7 til 8 klukku­stund­ir á hvor­um stað. Ann­ars staðar verður gul viðvör­un.

Frétt af mbl.is

Ekkert ferðaveður á morgun

Akureyri, há sjávarstaða, óveður mbl.is/Þorgeir Baldursson

Fólk hugi að eigum sínum

Segir Jón fólk þurfa að vera viðbúið og mælir gegn því að vera á ferðinni.

„Á meðan þetta veður stendur yfir þarf fólk að vera viðbúið og vera ekki á ferðinni. Það er bara þannig.“

Fólk þurfi einnig að huga að eigum sínum.

„Hvort sem það er búfénaður, bátar eða hvaðeina,“ segir Jón.

Nú eða trampólín?

„Ég held nú að fólk sé almennt búið að taka þau inn, eða ég vona það.“

Tengdar fréttir

Óveður í október 2022

Gul viðvörun og erfiðum akstursskilyrðum spáð

• Vatnselgurinn upp um niðurföll
• Björguðu „bjartsýnum“ ferðamönnum uppi á heiði
• Fólk betur undirbúið fyrir óveðrið
• Bárðdælingar enn á varaafli

» Fleiri tengdar fréttir

• Blogga um frétt