Ríkislögreglustjóri hefur lýst yfir óvissustigi og hættustigi almannavarna í fimm lögregluumdæmum, í samráði við lögreglustjóra, vegna þess veðurs sem spáð er að gangi yfir landið á morgun.

Frá þessu greinir embættið í tilkynningu:

• Norðurland eystra – Hættustig vegna veðurs, mikillar úrkomu og hugsanlegra samgöngutruflana.

• Austurland – Hættustig vegna veðurs, mikillar úrkomu og hugsanlegra samgöngutruflana.

• Vestfirðir – Óvissustig vegna veðurs og hugsanlegra samgöngutruflana.

• Norðurland vestra - Óvissustig vegna veðurs, mikillar úrkomu og hugsanlegra samgöngutruflana.

• Suðurland – Óvissustig vegna hvassviðris og hugsanlegra samgöngutruflana.

Fólk sem hugar að ferðalögum á þessum landshlutum er hvatt til þess að fylgjast vel með veðurspám á vedur.is og upplýsingum um ástandi vega á vegagerdin.is og safetravel.is.

Þá er bent á að þar sem spár Veðurstofu gera ráð fyrir mikilli úrkomu sé fólk sérstaklega hvatt til að huga að ræsum og niðurföllum til að forðast vatnstjón.

Tengdar fréttir

Óveður í október 2022

Gul viðvörun og erfiðum akstursskilyrðum spáð

• Vatnselgurinn upp um niðurföll
• Björguðu „bjartsýnum“ ferðamönnum uppi á heiði
• Fólk betur undirbúið fyrir óveðrið
• Bárðdælingar enn á varaafli

» Fleiri tengdar fréttir

• Blogga um frétt