Varðskipið Þór er á leið norður og áætlað er að það komið norður fyrir land í kvöld. Það verður þá til taks þar sem líkur eru á að þörfin verði mest vegna þess ofsaveðurs sem fram undan er.

Þetta staðfestir Ásgeir Erlendsson, upplýsingafulltrúi Landhelgisgæslunnar. 

„Það getur margt komið upp á þar sem skipið kemur að gagni. Það getur til að mynda flutt búnað og mannskap sjóleiðina ef ekki er hægt að fara landleiðina.“

Fór norður árið 2019

Í óveðrinu sem geisaði í desember 2019 sló rafmagni út á Dalvík og þá kom varðskipið Þór að gagni þar sem það gat framleitt rafmagn fyrir bæinn til bráðabirgða. 

Ásgeir segir Landhelgisgæsluna á tánum. „Við erum með tvær þyrluáhafnir og tvær þyrlur klárar. Svo verður fulltrúi frá okkur á samhæfingarstöð almannavarna.“

Tengdar fréttir

Óveður í október 2022

Gul viðvörun og erfiðum akstursskilyrðum spáð

• Vatnselgurinn upp um niðurföll
• Björguðu „bjartsýnum“ ferðamönnum uppi á heiði
• Fólk betur undirbúið fyrir óveðrið
• Bárðdælingar enn á varaafli

» Fleiri tengdar fréttir

• Blogga um frétt