Tveir unnu 26,4 milljónir

Tveir stálheppnir miðaeigendur skiptu með sér fjórföldum Lottóútdrætti vikunnar og fær hvor þeirra 26,4 milljónir í vinning. 

Var annar miðinn keyptur í Happahúsinu í Kringlunni í Reykjavík en hinn í áskrift. Fimm skiptu með sér bónusvinningnum og fær hver þeirra rétt tæpar 300 þúsund krónur, tveir miðanna voru keyptir á lotto.is, einn var í áskrift, einn keyptur í appinu og einn keyptur í Hagkaupum á Seltjarnarnesi.

Fékk 2 milljónir í Jóker

Einn var með allar tölur réttar og í réttri röð í Jóker og fær 2 milljónir í vinning. Sá miði var keyptur í Happahúsinu í Kringlunni í Reykjavík.

Þá voru sex miðahafar með annan vinning í jóker og fá 100 þúsund kall í vinning hver, tveir miðanna voru í áskrift, tveir voru keyptir í Appinu, einn á lotto.is og einn hjá Jóni & Co í Lóuhólum í Reykjavík.

• Blogga um frétt