Það versta gengið yfir um miðnætti
Skipið Jón Kjartanson hefur verið bundið niður við höfnina á Reyðarfirði.
mbl.is/Þorgeir Baldursson
Setja bókamerki
Illviðrið sem nú gengur yfir landið er í hámarki. Fljótlega fer þó að draga úr veðurofsanum sem er verstur austan til á landinu.
„Þetta er enn í hámarki en stutt í að það fari að draga úr því,“ segir Haraldur Eiríksson, veðurfræðingur hjá Veðurstofu Íslands, í samtali við mbl.is.
„Veðrið er verst á austurhelmingi landsins. Þar er víða stormur.“
Spár gengið eftir í grófum dráttum
Hann segir spár hafa gengið eftir í grófum dráttum en farið verði betur yfir það á morgun.
„Þetta veður er að þokast austur af þannig það versta fer víða að verða búið, til dæmis á Norðausturlandi,“ segir Haraldur. Líklega megi búast við að hið versta verði yfirstaðið um miðnætti í kvöld.
„Í fyrramálið verður hvassviðri austan til en ekkert viðvörunarveður. Svo lægir smám saman á morgun.“
„Við vöknuðum við hljóð frá sprengingum“
Sendi nektarmyndir af dreng sem hann passaði
Heimildarmenn tala um hápólitískt drama
Vilja 20 ára dóm í frönsku nauðgunarmáli
Íslensk kona handtekin á Tenerife eftir líkamsárás
Formaðurinn útilokar ekki undirritun í kvöld
Auka aðgengi að Grindavík