Kristján Þórður Snæ­bjarn­ar­son, for­seti ASÍ, seg­ist íhuga stöðu sína og fram­boð eft­ir frétt­ir dags­ins. Þing ASÍ mun halda áfram klukk­an tíu í fyrra­málið.

Síðdeg­is í dag drógu Sól­veig Anna Jóns­dótt­ir, formaður Efl­ing­ar, Ragn­ar Þór Ing­ólfs­son, formaður VR, og Vil­hjálm­ur Birg­is­son, formaður Starfs­greina­sam­bands­ins og Verka­lýðsfé­lags Akra­ness, fram­boð sín til baka. 

Frétt af mbl.is

„Hvaða heil­vita mann­eskja vill starfa í svona um­hverfi?“

Vissi ekki hvað var í vænd­um

„Þetta er auðvitað slá­andi staða sem við erum í núna. Þing­inu hef­ur verið frestað til klukk­an tíu í fyrra­málið. Við mun­um þurfa að fara yfir stöðuna þangað til og á þing­inu,“ seg­ir Kristján í sam­tali við mbl.is.

Hann seg­ist ekki hafa verið meðvitaður fyr­ir­fram um þá at­b­urðarás sem væri að fara að eiga sér stað.

„Ekk­ert þannig, ég vissi nátt­úr­lega af dag­skrár­breyt­ing­ar­til­lögu sem við fór­um með fram.“

Frétt af mbl.is

Ragn­ar, Sól­veig og Vil­hjálm­ur hætta við

Hugs­ar málið til morg­uns

Kristján kveðst bæði vera að íhuga stöðu sína sem og fram­boðs síns í ljósi þeirr­ar stöðu sem sam­bandið standi frammi fyr­ir. Sól­veig Anna sagðist fyrr í dag vera að skoða það hvort draga ætti Efl­ingu út úr sam­band­inu. Vil­hjálm­ur sagði sam­bandið vera umboðslaust.

„Auðvitað þarf maður bara að sjá hvernig mál­in þró­ast til morg­uns og hvað við ger­um,“ seg­ir Kristján. 

Tengd­ar frétt­ir

Átök inn­an verka­lýðshreyf­ing­ar­inn­ar

„Með fullt og óskorað umboð“

• BSRB og SNS funda hjá rík­is­sátta­semj­ara
• Stjórn­völd dýpki verðbólg­una
• Verk­fallsaðgerðir árið 2023 fjar­stæðukennd­ar
• Átök­in bitna ein­ung­is á hinum al­menna fé­lags­manni

» Fleiri tengd­ar frétt­ir

• Blogga um frétt