Slökkviliðið hefur sinnt fjórum útköllum í dag vegna vatnsflaums í vesturhluta Reykjavíkurborgar og nú síðast á Sundlaugavegi.

Flætt hefur inn í kjallara vegna mikillar rigningar og vatnselgurinn komið upp um niðurföll svo dæla þarf vatninu út.

Þannig þurfti að dæla upp vatni við Ægisíðu, Hagamel, BSÍ og Sundlaugaveg.

Flæddi inn í hús á Sundlaugavegi

Lárus Björnsson, varðstjóri hjá slökkviliðinu, segir að síðasta útkallið að sinni hafi verið að Sundlaugavegi, þar sem flætt hafði inn í hús, en á þessum tímapunkti sé enginn bíll í útkalli vegna flóðanna.

„Það virðist eins og við höfum náð yfirhöndinni í þessu ástandi og erum ekki með neina bíla úti akkúrat núna, en erum í viðbragðsstöðu eins og alltaf, en ekkert endilega lengur út af vatnselgnum."

Hann segir skemmdir hafa verið minniháttar, enda hafi verið fljótt brugðist við.

Frétt af mbl.is

Niðurföll hafa ekki undan og vatn flæðir inn í hús

Tengdar fréttir

Óveður í október 2022

Gul viðvörun og erfiðum akstursskilyrðum spáð

• Björguðu „bjartsýnum“ ferðamönnum uppi á heiði
• Fólk betur undirbúið fyrir óveðrið
• Bárðdælingar enn á varaafli
• „Við stjórnum ekki veðrinu“

» Fleiri tengdar fréttir

• Blogga um frétt