Hlaup hafið og gæti náð hámarki á morgun

Hlaup er yfirstandandi undir Grímsvötnum en ekki er búist við því að það komi fram undan jöklinum fyrr en seinnipartinn á morgun eða aðfaranótt föstudags þegar það nái hámarki.

Frétt af mbl.is

Hlaup gæti komið af stað eldgosi

Að sögn Einars Hjörleifssonar, náttúruvársérfræðings hjá Veðurstofu Íslands, var þetta niðurstaða fundar vísindamanna Veðurstofunnar og Háskóla Íslands í morgun.

Lengri tíma að finna sér farveg

Einar segir hlaupið ekki vera næstum því jafnstórt og flæddi í desember í fyrra og getur það því tekið lengri tíma að finna sér farveg undir jöklinum.

GPS-mælir Veðurstofunnar í Grímsfjalli hefur lækkað um sjö metra en íshellan sjálf hefur lækkað meira þar sem mælirinn er ekki í miðri bungunni.

Frétt af mbl.is

Lítils hlaups vænst

Fluglitakóðinn yfir Grímsvötnum verður áfram gulur á meðan þessi staða er uppi. „Við sjáum engar breytingar á jarðskjálftavirkni eða jarðvirkni á svæðinu eins og er en við vöktum þetta náið,“ segir Einar og bætir við aðspurður að ekki sé hægt að útiloka gos.

• Blogga um frétt