Mögulegt að þingi ASÍ verði frestað
Þing ASÍ hófst klukkan tíu í morgun.
mbl.is/Kristinn Magnússon
Setja bókamerki
Mögulegt er að þingi Alþýðusambands Íslands verði frestað um sex mánuði en samkvæmt heimildum mbl.is átti að bera fram tillögu þess efnis í dag.
Þingið, sem hefur verið í uppnámi eftir uppákomu gærdagsins, hófst klukkan tíu en samkvæmt dagskrá á stjórnarkjör að fara fram eftir hádegi. Ekki er þó víst að af því verði.
Í gær greindu Ragnar Þór Ingólfsson, formaður VR, Sólveig Anna Jónsdóttir, formaður Eflingar og Vilhjálmur Birgisson, formaður Starfsgreinasambandsins og Verkalýðsfélags Akraness, frá því að þau væru búin að draga framboð sín í miðstjórn ASÍ til baka.
Formenn VR og Eflingar gengu af þinginu í gær ásamt flestum þingfulltrúum félaganna. Nokkrir þingfulltrúar virðast þó viðstaddir í dag.
Hvað gerðist eiginlega í VMA?
Gosið gæti varað lengur: Meiri fyrirstaða í gosrásinni
Hraunið við bílastæði Bláa lónsins
Beint: Eldgos hafið við Stóra-Skógfell
Sáu eldgosið brjótast út frá Snæfellsnesi
„Erum í miðri hrinu“: Styttist í Eldvörp
Hraun fór yfir Grindavíkurveg