Segir ákvörðun stjórnar Isavia löngu tímabæra

„Ég fagna þessari ákvörðun stjórnar Isavia, enda löngu tímabært,“ segir Lilja Dögg Alfreðsdóttir, viðskipta- og menningarmálaráðherra, um bókun stjórnar Isavia um meðferð íslensku í flugstöðvum félagsins.  

Stjórn Isavia samþykkti bókun á fundi í gær þess efnis að íslenska verði framvegis í forgrunni tungumála við endurnýjun merkingakerfis í flugstöð Leifs Eiríkssonar. 

Frétt af mbl.is

Gagnrýnir Isavia: „Ég meina þetta í fúlustu alvöru“

Frétt af mbl.is

„Er þetta fólk ekki í lagi?“

Fylgdi málinu eftir í kjölfar breytinga hjá Icelandair

Lilja hefur sjálf lagt mikla áherslu á málefni íslenskunnar eftir að hún tók við sem mennta- og menningarmálaráðherra árið 2017. 

„Ég gerði athugasemdir við þetta á sínum tíma og fylgdi þeim svo eftir í kjölfar ákvörðunar Icelandair,“ segir Lilja og vísar til þess að nú eru farþegar flugfélagsins fyrst ávarpaðir á íslensku. 

Frétt af mbl.is

Icelandair snýr sér aftur að íslenskunni

Fram kom í máli Boga Nils Bogasonar að ákvörðunin hefði verið tekin í kjölfar fundar með Lilju.

„Ég heyrði í nýjum stjórnarformanni Isavia. Hann tók málið í kjölfarið upp við stjórnina. Það er auðvitað gríðarlegt fagnaðarefni að stjórnin taki þessa ákvörðun,“ segir Lilja. 

Hún þakkar stjórnarformanni Isavia, Kristjáni Þór Júlíussyni, sérstaklega fyrir að sýna forystu í málinu.

Frétt af mbl.is

„Gerðu bar kóðann tilbúinn“

Bókun stjórnar Isavia í heild sinni: 

„Komið hafa fram ábendingar og gagnrýni á opinberum vettvangi, meðal annars frá stjórn Íslenskrar málnefndar 2016 og 2017, um notkun tungumála á upplýsinga- og leiðbeiningaskiltum í flugstöðinni á Keflavíkurflugvelli. Stjórn Isavia tók þessi mál til umræðu árið 2018. Á síðustu dögum hafa ábendingar og gagnrýni um þessi efni sprottið upp á ný.

Að gefnu þessu tilefni er stjórn Isavia ohf. sammála um eftirfarandi:

Nú standa yfir miklar breytingar og uppbygging á Keflavíkurflugvelli. Samhliða þeim verkefnum hefur stjórn Isavia ohf. ákveðið að gerð verði áætlun um endurnýjun merkingakerfis flugstöðvarinnar í áföngum á komandi misserum. Við þá endurnýjun verði þeirrar reglu gætt að íslenska verði framvegis í forgrunni tungumála á leiðbeiningar- og upplýsingaskiltum flugstöðvarinnar.“

• Blogga um frétt