Hætta við að láta geðlækni meta skilaboðin
Mennirnir tveir sendu skilaboð sín á milli þar sem þeir ræddu árásir gegn nafngreindum einstaklingum og stofnunum.
mbl.is/Eggert Jóhannesson
Setja bókamerki
Lögreglan hefur fallið frá því að fá geðlækni til að leggja sérstakt mat á það hve mikil alvara hafi legið að baki þeim skilaboðum sem mennirnir tveir, sem grunaðir eru um að skipuleggja hryðjuverkaárásir, sendu sín á milli.
Verjendur mannanna mótmæltu þessum aðferðum, að því er fram kemur í frétt Rúv, og féll lögreglan þá frá áformum sínum.
Mennirnir sitja nú í gæsluvarðhaldi í tengslum við hryðjuverkarannsókna, en Landsréttur staðfesti í dag að framlengja varðhaldstímann um fjórar vikur. Sveinn Andri Sveinsson lögmaður hefur tekið við sem verjandi annars þeirra.
Geðlæknir mun framkvæma geðmat á mönnunum sjálfum, en ekki sérstaklega með tilliti til skilaboðanna.
Vottar Jehóva fyrir áfrýjunardómstól
Neyðarástand: Merki um landris og þúsundir flýja
Nýtt að gestalistinn sé umræðuefni á Alþingi
Tilkynningar um tjón á fjórða hundrað
„Sá það bara hverfa í einni vindhviðu“
Flokkarnir þurfa ekki að endurgreiða styrki
Svo er framtíðin óskrifað blað