Kynnti áform um sameiningu

Svandís Svavarsdóttir matvælaráðherra kynnti ákvörðun sína um sameiningu Landgræðslunnar og Skógræktarinnar fyrir ríkisstjórn í morgun.

Frétt af mbl.is

Margoft verið reynt að endursameina

Eftir hádegi hélt ráðherra fundi með starfsmönnum beggja stofnana þar sem tilkynnt var um ákvörðunina.

Við sameiningu munu allir starfsmenn flytjast yfir í nýja stofnun og verður áhersla lögð á að fyrirliggjandi mannauður og þekking haldist í málaflokknum, að því er segir í tilkynningu.

Réttindi og skyldur starfsfólks munu færast til nýrrar stofnunar, en umræða um skipulag mun bíða nýs forstöðumanns.

Frétt af mbl.is

Sameining Landgræðslu og Skógræktar í forathugun

Engin breyting verður gerð á tilhögun starfsstöðva í sameiningarferlinu eða staðsetningum starfsmanna. Sameinuð stofnun mun hafa um 130 stöðugildi og getur aðalskrifstofa verið staðsett á öllum meginstarfsstöðvum.

Ekki er gert ráð fyrir að forstöðumaður hafi aðsetur á höfuðborgarsvæðinu.

• Blogga um frétt