Gæti sums staðar orðið vart við úrkomu

Austlæg átt verður í dag, fremur hæg víðast hvar og hiti yfir frostmarki að deginum. Þá gæti sums staðar orðið vart við minniháttar úrkomu en það ætti hvergi að vera mikið, að því er segir í hugleiðingum veðurfræðings.

Það gæti snúist í austan og norðaustanátt 3-8 m/s í dag en 8-13 m/s við suðurströndina og á Vestfjörðum. Það rofar til vestanlands, smáskúrir verða sunnantil en það þykknar upp fyrir norðan og smá væta verður þar í kvöld. Þá mun kólna heldur í veðri.

Á morgun má svo búast við norðaustan átt 5-13 m/s, hvassast á Vestfjörðum og suðaustantil. Þá gæti orðið rigning eða slydda með köflum á suðaustur- og austurhluta landsins. 

Veðurvefur mbl.is

• Blogga um frétt