Ríkisstjórnin samþykkti á fundi sínum í morgun að veita Slysavarnarfélaginu Landsbjörgu fimm milljónir króna af ráðstöfunarfé sínu vegna endurgerðar á vegnum safetravel.is, en vefurinn hefur verið helsti upplýsingavefur almannavarna til að koma mikilvægum skilaboðum til ferðamanna, t.d. vegna óveðurs, ófærðar eða náttúruhamfara.

Í tilkynningu á vef stjórnarráðsins segir að mikilvægi slysavarna ferðamanna hafi aukist á undanförnum árum samhlið fjölgun þeirra. Því sé endurgerð vefsins brýn til að auka upplýsingamiðlun og til þess að leita leiða til að ná til þeirra sem fara um landið.

Landsbjörg mun áfram vinna verkefnið í samstarfi við fyrirtæki í ferðaþjónustu, Samtök ferðaþjónustunnar, Samgöngustofu, Veðurstofuna og almannavarnadeild ríkislögreglustjóra.

Tengdar fréttir

Ferðamenn á Íslandi

Áfangaskýrsla komin í hendur ráðherra

• Gætu fallið frá því að leggja á komugjöld
• Fáránlegt að setja fyrst á komugjöld
• Aldrei fleiri ferðamenn til Íslands
• Ferðamönnum fjölgar á milli ára

» Fleiri tengdar fréttir

• Blogga um frétt