Þorbjörg Sigríður Gunnlaugsdóttir, þingmaður Viðreisnar, segir rétt að grípa inn í stöðu þar sem tap geti verið 18 milljarðar á ári, en gagnrýnir viðbragðstíma Bjarna Benedikssonar fjármálaráðherra og segir hann hafa haft tæpan áratug til að draga úr tjóni almennings.

Íbúðalánasjóður verður gjaldþrota innan tólf ára að öllu óbreyttu og þá mun reyna á ríkisábyrgð að baki honum. Eftir lokun markaða á fimmtudag kynnti ráðherra þá hugmynd að ná samkomulagi við lánardrottna sjóðsins sem fæli í sér samkomulag og uppgjör skulda. Það gæti sparað ríkissjóði 150 milljarða króna.

Frétt af mbl.is

Ráðherra olli titringi á fjármálamarkaði

„Lánardrottnar eru að stærstum hluta lífeyrissjóðirnir. Með öðrum orðum: almenningur í landinu. Ef þeir vilja ekki semja við fjármálaráðherra á allra næstu vikum ætlar hann að setja lög til að ná fram vilja sínum. Íbúðalánasjóðnum yrði þá í kjölfarið slitið á nýju ári, skuldir látnar gjaldfalla og ríkisábyrgð virkjuð,“ skrifar Þorbjörg í Facebook-færslu.

Hún segir viðbragðstíma fjármálaráðherra vekja athygli, þar sem hann hafi árum saman þekkt þessa stöðu.

„Þannig lá t.d. fyrir í apríl 2013 skýrsla um framtíðarhorfur sjóðsins þar sem fjallað var um mikla rekstrarerfiðleika. Fjármálaráðherra hefur einmitt setið í embætti frá 2013. Hann hefur haft tæpan áratug til að draga úr tjóni almennings,“ skrifar Þorbjörg.

„Í Morgunblaðinu í gær svaraði ráðherrann þeirri spurningu hvort ekki hefði mátt bregðast fyrr við. Þar segist hann hafa verið að skoða þessi mál gaumgæfilega frá 2019. Bara þessi þriggja ára skoðun ráðherrans hefur þá kostað tugi milljarða króna.

Það er rándýrt aðgerðaleysi og það er almenningur sem tekur reikninginn.“

Frétt af mbl.is

Gæti sparað 150 milljarða

Tengdar fréttir

ÍL-sjóður

Milljarða taprekstur á næstu árum

• Segja alvarlegs misskilnings gæta í orðum ráðherra
• Gjaldþrot ÍL-sjóðs gæti haft áhrif á fjármálastöðugleika
• Enn þarf ÍLS ekki að lækka uppgreiðslugjald
• Hefja viðræður vegna uppgjörs á ÍL-sjóði

» Fleiri tengdar fréttir

• Blogga um frétt