Leitar að fólki til að móta skólaþjónustuna

Ásmundur Einar Daðason, mennta- og barnamálaráherra, hefur sent haghöfum í menntakerfinu boð þar sem þeir eru hvattir til að bjóða sig fram og taka þátt í að móta skólaþjónustu til framtíðar, en stutt er síðan ráðherrann kynnti að leggja ætti niður Menntamálastofnun í núverandi mynd og reisa hana upp að nýju samhliða áformum um að setja ný lög um heildstæða skólaþjónustu á öllum stigum leik-, grunn- og framhaldsskóla.

Frétt af mbl.is

Lögin ná ekki yfir heildstæða skólaþjónustu

Frétt af mbl.is

„Ég ætla að leyfa mér að vera svolítið bjartsýn“

Í tilkynningu á vef ráðuneytisins kemur fram að samráð við hlutaðeigandi gegni lykilhlutverki í ferlinu. Þá var einnig nýlega greint frá því að áform um nýju heildarlögin hafi verið birt á samráðsgátt stjórnvalda. Getur almenningur og aðrir hagaðilar sent þar inn umsagnir um fyrirhuguð áform, en tímaramminn nær aðeins til 31. október.

Frétt af mbl.is

Menntamálastofnun lögð niður

Þeir haghafar sem ætla að bjóða sig fram í að taka þátt í að móta skólaþjónustuna hafa hins vegar til 4. nóvember til að skrá sig, en Ásmundur kallar meðal annars eftir samráði við börn og ungmenni, foreldra, kennara, stjórnendur og starfsfólk leik-, grunn- og framhaldsskóla, frístundaheimila, félagsmiðstöðva, skólaþjónustu og annarra þjónustukerfa.

Frétt af mbl.is

Hægt að senda inn umsögn í nokkra daga

• Blogga um frétt