Bandalagið geti náð betri niðurstöðu
Setja bókamerki
„Þetta eru stórfréttir, þegar stærstu landssamböndin innan Alþýðusambandsins fara sameiginlega að borðinu,“ segir Ragnar Þór Ingólfsson, formaður VR og LÍV, í samtali við mbl.is um samstarf Landssambands íslenzkra verzlunarmanna (LÍV) og Starfsgreinasambands Íslands (SGS).
Samböndin munu koma til með að vinna saman í viðræðum við Samtök atvinnulífsins um nýjan kjarasamning.
„Þetta þýðir það að viðsemjandinn er mun stærri hópur en tvístraður sem gerir alla nálgun miklu einfaldari fyrir Samtök atvinnulífsins. Þetta er held ég jákvætt fyrir alla að hér sé nægilega stórt og öflugt bandalag til að ná betri niðurstöðu en ég myndi áætla að félögin myndu ná fram færum við hvort í sínu lagi,“ segir Ragnar Þór.
Hefjast handa á morgun
Ragnar Þór segir fyrsta formlega fundinn vera í fyrramálið.
„Þetta leggst ákaflega vel í mig og ég held að þetta séu virkilega jákvæðar fréttir, ekki bara fyrir launafólk heldur líka fyrir efnahagslífið og samfélagið.“
Samningarnir munu ná til hátt í 90 þúsund manns en Ragnar segir Eflingu ekki vera búna að skila inn samningsumboði til Starfsgreinasambandsins.
„Það mun skýrast fljótlega hvort þau komi inn í þennan hóp eða ekki. Þau eru utan hans akkúrat núna en þeim er haldið upplýstum um stöðu mála,“ segir Ragnar Þór.
Prjónaði sokka á þann sem myrti hana
Tugmilljóna tjón eftir ofsaveðrið
70 km leið yfir fjallveg telst innanbæjarakstur
Alfreð var sakaður um nauðgun
Úrskurðurinn gerði illt verra: Staðan „mjög döpur“
Borga milljónir í leigu í staðinn fyrir 750 þúsund
Fátt nýtt í stefnuræðu Kristrúnar