Embætti héraðssaksóknara hefur ákært fjóra menn í stóru kókaínmáli sem fyrst var greint frá í ágúst, en flytja átti efnin til landsins með timbursendingu frá Brasilíu með viðkomu í Hollandi.

Anna Barbara Andradóttir, saksóknari hjá embættinu, staðfestir að ákæra hafi verið gefin út í málinu gagnvart mönnunum fjórum, en Rúv greindi fyrst frá ákærunum.

Frétt af mbl.is

Kókaínið var falið í timbursendingu

Efnin fundust við leit hollenskra löggæsluyfirvalda, en gerviefnum var komið fyrir í staðinn. Sagði í tilkynningu lögreglu í ágúst að grundvöllur leitarinnar hafi verið upplýsingar frá íslenskum löggæsluyfirvöldum, byggðar á frumkvæðisrannsóknum á skipulagðri brotastarfsemi.

Einn maður var handtekinn eftir að hafa sótt gám með sendingunni og þrír aðrir í kjölfarið. Voru þeir svo úrskurðaðir í gæsluvarðhald og ætlar héraðssaksóknari að óska eftir framlengingu varðhaldsins í dag.

Tengdar fréttir

Stóra kókaínmálið

Dómari telur að Daði hafi logið

• Pétur Jökull dæmdur í átta ára fangelsi
• Fer fram á þungan dóm yfir Pétri Jökli
• Líklegt að Pétur sé maðurinn á upptökunni
• Íslenska lögreglan skoðaði raftæki Sverris Þórs

» Fleiri tengdar fréttir

• Blogga um frétt