Oddgeir Einarsson, verjandi Angjelin Sterkaj sem var í dag dæmdur í 20 ára fangelsi í Landsrétti fyrir að hafa orðið Arm­ando Beqirai að bana við heim­ili sitt í Rauðagerði í Reykja­vík í fyrra, telur niðurstöðu Landsréttar vera lögfræðilega ranga.

Frétt af mbl.is

Allir sekir og 14-20 ára dómar í Rauðagerðismáli

„Ég tel niðurstöðuna lögfræðilega ranga. Það er mjög afgerandi þannig. Það er mjög margt í þessu sem er túlkað ákærðu í óhag. Sérstaklega það að um samverknað hafi verið að ræða. Það leiði síðan til refsiþyngingar hjá Angjelin ,“ segir Oddgeir í samtali við mbl.is.

Öll fjögur aðalmenn í málinu

Sheptim Qerimi, Claudia Sofia Coel­ho Car­val­ho og Murat Selivrada sem voru sýknuð í héraðdómi voru nú öll dæmd í 14 ára fang­elsi. 

„Ein af ástæðunum sem gefnar eru fyrir því er samverknaður, það er að segja að fleiri en einn eru taldir hafa framið brotið,“ segir Oddgeir.

Hann segir að Landsréttur hafi túlkað sem svo að Sterka­sj, Qerimi, Car­val­ho og Selivrada hafi öll fjögur verið aðalmenn og beri ábyrgð á manndrápinu.

„Eitthvað sem við teljum vera algjörlega rangt.“

Oddgeir telur dóminn vera þann þyngsta sem hefur fallið á Íslandi. Hann ætlar sér að óska eftir því að áfrýja málinu til Hæstaréttar.

Frétt af mbl.is

Dómurinn í Rauðagerðismálinu „gríðarleg vonbrigði“

Tengdar fréttir

Manndráp í Rauðagerði

„Skylda“ saksóknara að tala fyrir vægari dómi

• Landsrétt skorti lagastoð til refsihækkunar
• Dómar mildaðir í Rauðagerðismálinu
• Veltir upp hvort milda eigi dóminn
• Rauðagerðismálið fer fyrir Hæstarétt

» Fleiri tengdar fréttir

• Blogga um frétt