20 manns sögðu sig úr Ferðafélagi Íslands

Félagsfundur Ferðafélags Íslands fór fram 27. október síðastliðinn en rúmlega 300 manns sóttu fundinn. Páll Guðmundsson, framkvæmdastjóri félagsins segir 20 manns hafa sagt sig úr félaginu eftir fundinn á föstudag og því lítill hluti af heildar fjölda félaga.

„Það voru 20 manns sem sögðu sig úr félaginu eftir fundinn á föstudaginn af 10.750 meðlimum. Fyrir fundinn voru 30-40 manns sem gengu í félagið,“ segir Páll.

Á fundinum félagsins var fyrst borin undir atkvæði tillaga þess efnis að stjórnin myndi segja af sér strax og boða til aðalfundar sem var felld með yfirgnæfandi meirihluta. Þá var borin undir traustyfirlýsing við stjórn og framkvæmdastjóra félagsins sem var samþykkt með yfirgnæfandi meirihluta atkvæða.

Frétt af mbl.is

Vantrauststillögu vísað frá

Gustað hef­ur um fé­lagið eft­ir að Anna Dóra Sæþórs­dótt­ir, for­seti fé­lags­ins, sagði sig úr því. Gaf hún þá skýr­ingu á brott­hvarfi sínu að hún vildi ekki starfa í fé­lagi þar sem stjórn­ar­hætt­ir og siðferðis­leg gildi, sem gangi þvert á henn­ar eig­in gildi, réðu ríkj­um.

Frétt af mbl.is

Ferðafélag Íslands boðar til fundar

Var í kjölfarið boðað til félagsfundar og tilkynnti Krist­ín I. Páls­dótt­ir að hún myndi leggja fram van­traust­stil­lögu á stjórn Ferðafé­lags Íslands, vegna viðbragða fé­lags­ins við mál­um er varða kyn­ferðis­lega áreitni og of­beldi. Sem fyrr segir var tillögunni vísað frá, en Kristín sagði í kjölfarið að hún myndi segja sig úr félaginu.

Frétt af mbl.is

Vantrauststillaga á stjórn Ferðafélagsins

• Blogga um frétt