Það er mat skóla- og frístundasviðs að leikskólar Reykjavíkurborgar hafi á árinu 2021 verið yfirmannaðir um eitt til tvö stöðugildi á leikskóla.

Þetta kemur fram í tilkynningu frá Reykjavíkurborg þar sem segir jafnframt að yfirmönnun hafi verið vegna hólfunar og aðgerða í leikskólum vegna kórónuveirufaraldursins í upphafi árs og eru vísbendingar um að ennþá sé eitthvað um yfirmönnun sé tekið mið af rekstrar- og mönnunarlíkani leikskóla.

Frétt af mbl.is

Tryggja að ekki verði ofgnótt af starfsfólki

Einar Þorsteinsson, for­seti borg­ar­stjórn­ar, útilokaði ekki í viðtali við mbl.is í gær að farið yrði í uppsagnir en sagði þó að almenna reglan væri að nýta starfsmannaveltu til að vega og meta hvert starf sem losn­ar.

Vinna við útfærslu á nýju reiknilíkani

Í greinargerð fagsviða og B-hluta fyr­ir­tækja með fjár­hags­áætl­un borg­ar­inn­ar 2023, sem birtist í gær, kom fram að gert væri ráð fyr­ir að starfs­fólki leik­skóla fækkaði úr 1.775 á þessu ári í 1.700.

Frétt af mbl.is

Reikna með færra starfsfólki leik- og grunnskóla

Í tilkynningu borgarinnar segir að vegna væntanlegrar fjölgunar barna á leikskólum og fjölgunar leikskólaplássa muni áætlun ársins 2023 taka breytingum.

„Sem stendur byggist áætlunin á fjölda barna í leikskólum borgarinnar í byrjun september 2022. Allar viðbætur, svo sem fjölgun starfsmanna og breytingar á barnafjölda, bætast við grunnáætlun þegar þær raungerast, t.d. þegar nýr leikskóli opnar. Leikskólar Reykjavíkur eru mannaðir í samræmi við þarfir sem taka mið af aldri barna og enginn afsláttur er gefinn af þjónustu sem snýr að umönnun þeirra. “

Alls eru 68 leikskólar reknir af Reykjavíkurborg. Vinna við útfærslu á nýju reiknilíkani fyrir leikskóla er á lokametrunum og í yfirferð hjá skóla- og frístundasviði og fjármála- og áhættustýringu. Búist er við að líkanið verði tekið til umfjöllunar hjá borgarráði strax í janúar 2023.   

Frétt af mbl.is

Vill ráða fólk yfir sjötugu

Í október lagði fulltrúi Flokks fólksins til í borgarráði að fólk yfir sjötugu yrði ráðið til starfa í leikskólum til þess að leysa mönnunarvanda sem væri til staðar. Í bókun Sam­fylk­ing­ar, Fram­sókn­ar, Pírata og Viðreisn­ar kom fram að 83 stöðugildi vantaði í október.

Tengdar fréttir

Leikskólamál

Fleiri börn nú á biðlista en í fyrra

• Gerir lítið úr félaginu með málflutningnum
• Heildarkostnaður 2,3 milljarðar
• Leikskóli ónothæfur eftir tvö ár
• Tugmilljóna framkvæmd við nýjan leikskóla

» Fleiri tengdar fréttir

• Blogga um frétt