Isavia harmar framkomu við fjölmiðla í gær
Setja bókamerki
Aðgerðir starfsmanna öryggisgæslu Isavia í gærkvöldi, þegar skærum ljósum var beint að fjölmiðlafólki til að koma í veg fyrir upptökur í tengslum við brottvísun lögreglu á flóttafólki, voru samkvæmt fyrirmælum lögreglu. Isavia telur það þó ekki hlutverk öryggisgæslunnar að hindra störf fjölmiðla og harmar það sem gerðist í nótt og biðst afsökunar á því. Þetta er meðal þess sem kemur fram í tilkynningu frá félaginu.
/frimg/1/37/44/1374490.jpg)
Í tilkynningunni segir að Keflavíkurflugvöllur sé alþjóðlegur flugvöllur og um hann gildi strangar alþjóðlegar öryggis- og eftirlitsreglur.
Í nótt hafi lögreglan óskað eftir aðstoð frá öryggisgæslu flugvallarins við framkvæmd lögregluaðgerðar, en fram hefur komið að þar hafi 15 manns verið fylgt úr landi til Grikklands. Almennt felist í slíkri aðstoð að veita aðgang og fylgja lögreglu um haftasvæðið.
/frimg/1/37/44/1374447.jpg)
„Þegar aðgerðin stóð yfir fylgdi starfsfólk öryggisgæslunnar fyrirmælum lögreglu. Meðal þess sem lögregla fór fram á var að komið yrði í veg fyrir myndatökur af lögregluaðgerðinni. Það er ekki hlutverk starfsfólksöryggisgæslu flugvallarins að meta lögmæti fyrirmælanna, lögmæti þeirra eru á ábyrgð lögreglu,“ segir í tilkynningunni.
Metur félagið það hins vegar ekki hlutverk öryggisgæslunnar að hindra störf fjölmiðla. „Isaviaharmar að það hafi gerst í nótt og biðst afsökunar á því.Isavia mun fara yfir þessa framkvæmd með lögreglu.“ Beinir félagið að öðru leyti fyrirspurnum um aðgerðirnar og lögmæti fyrirmæla lögreglunnar til lögreglu.
„Mig langar að vara ykkur við“
Hægist á Helenu sem er þó enn hættuleg
Höfðar riftunarmál á hendur fyrrum eiganda Wokon
Grunur um mansal og smygl á fólki: Tveimur sleppt
Ekkert bendir til þess að atburðarásinni sé lokið
Gæti orðið erfitt að spá fyrir um næstu gos
Auki líkurnar á vaxtalækkun
Fengið nóg af sviknum loforðum stjórnvalda