Snúist ekki um að skamma einn né neinn
Urður Egilsdóttir
Setja bókamerki
Brynjar Níelsson, formaður kjörbréfanefndar Sjálfstæðisflokksins, segir í samtali við mbl.is að deilur um skipun nefndarfulltrúa Kópavogs á landsfundi næstu helgi snúist ekki um að skamma einn né neinn, félög í Kópavogi hafi ekki verið þau einu á landsvísu sem hafi ekki farið eftir skipulagsreglum.
Þá segir hann það ekki í lagi að vega að starfsfólki Valhallar þar sem að það sé starf kjörbréfanefndarinnar að samþykkja lista, ekki starfsfólksins.
Unnur sagði í viðtali við mbl.is fyrr í dag að skipulagsreglur flokksins væru ekki endilega virtar í Valhöll. „Það er svo margt í þessum skipulagsreglum sem Valhöll var búin að brjóta fyrir – hlutir sem þeir voru ekki að fara eftir – það var því margt sem ég var hissa á,“ sagði hún.
„Þegar stefnir í kosningabaráttu, þá verða allt í einu til einhverjar reglur, og því er skipað í kjörbréfanefnd til þess að ákveða hvað skal gera,“ segir Brynjar og bætir við að störf nefndarinnar feli í sér að afla upplýsinga um hvernig val á lista fór fram og af hverju það fram á þann hátt.
Ekki um yfirheyrslu að ræða
Brynjar segir að því hafi Unnur verið boðuð á fund til þess að afla þeirra upplýsinga. „Svo sjá menn að framkvæmdin er ekki samkvæmt reglum. Þá er okkur vandi á höndum, hvað á að gera.“ Hann nefnir að ekki hafi verið um yfirheyrslu að ræða, líkt og Unnur hafði greint frá í Facebook-færslu fyrr í dag.
Hann segir að tímamörk hafi ekki gefið færi á að boða annan fund svo reynt var að finna einhverja lausn svo að fulltrúar frá Kópavogi kæmust á landsfund.
Bættu við nöfnum á listann
Brynjar segir að auðvitað megi gagnrýna störf kjörbréfanefndarinnar en hann sé viðkvæmur fyrir því þegar starfsfólk Valhallar sé gagnrýnt á þennan hátt. „Það er ekki þeirra hlutverk að fara ákveða neitt, það er okkar hjá kjörbréfanefndinni.“
Brynjar segir að kjörbréfanefnd hafi bætt við fulltrúum á listann þar sem hann var ekki fullur, líkt og Unnur greindi frá í dag. „Það var niðurstaða að fara ákveðna leið.“
Var það borið undir Unni formann?
„Nei, enda er þetta ekki hennar mál. Það er okkar starf að fara yfir kjörbréfin, hún stjórnar þeim ekki.“
Í þögn hjartans
KEF Spa: „Eitthvað sem þú hefur ekki séð áður“
Fuglager í Grindavík: „Þetta var bara pínu magnað“
Feðgar saman í Grænlandstúr á jólum
Ekkert ferðaveður og vegalokanir á jóladag
Var að slitna frá bryggju sökum hvassviðris
Æskuvinir sem fóru í víninnflutning frá Georgíu