Stefnt er að því að efna til leiðtogafundar Evrópuráðsins í maí á næsta ári í Reykjavík. Alls eiga 46 ríki aðild að ráðinu en fundurinn yrði sá fjórði sem haldinn yrði í sögu ráðsins. Fundur af slíkri stærðargráðu hefur ekki verið haldinn áður á Íslandi.

Ísland tekur við formennsku í Evrópuráðinu af Írlandi í þessari viku og stendur formennskan yfir næsta hálfa árið. Þegar því skeiði lýkur í maí á næsta ári er áformað að efnt verði til leiðtogafundarins. 

Þetta kemur fram í tilkynningu.

Frétt af mbl.is

Ísland líklegur gestgjafi leiðtogafundar Evrópuráðs

Þétta raðir um sameiginleg gildi

Morgunblaðið greindi frá því í júní að Ísland hefði boðið sig fram sem gestgjafi og að mikill áhugi værir fyrir því. 

Katrín Jakobsdóttir. Ljósmynd/Stjórnarráðið

Bjarni Jóns­son, formaður ut­an­rík­is­mála­nefnd­ar og formaður Íslands­deild­ar Evr­ópuráðsþings­ins, sagði þá að á fundinum yrði framtíð Evr­ópuráðsins til umræðu í ljósi breyttr­ar stöðu alþjóðamála. Auk þess yrði farið yfir hvert framtíð Evr­ópu stefn­ir og hvernig hægt sé að þétta raðirn­ar um sam­eig­in­leg gildi Evr­ópu­ríkj­anna.

„Ísland mun taka formennskuhlutverk sitt alvarlega“

Fram kemur á vef Stjórnarráðsins að aðildarríkin hefðu sammælst um að ríkt tilefni væri til að leiðtogar ríkjanna 46 kæmu saman á þeim viðsjárverðu tímum sem nú væru uppi. Samhljóða ákvörðun þess efnis var tekin á fundi ráðherranefndar Evrópuráðsins í dag.

„Evrópuráðið snýst um grunngildi samfélaga okkar; lýðræði, mannréttindi og réttarríkið. Innrásin í Úkraínu, heimsfaraldur og efnahagsþrengingar skapa áskoranir fyrir þessi grunngildi og því hefur aldrei verið mikilvægara að leiðtogar Evrópuþjóða endurnýi heitin og séu samtaka um að standa vörð um þessi gildi. Ísland mun taka formennskuhlutverk sitt alvarlega enda tökumst við á við þetta verkefni á krefjandi tímum,“ er haft eftir Katrínu Jakobsdóttur forsætisráðherra.

„Ljóst er að sú staða sem upp er komin í álfunni í kjölfar innrásar Rússlands í Úkraínu verður í brennidepli á leiðtogafundinum. Aðstæður til að halda slíkan fund gætu því varla verið meira knýjandi og augu umheimsins munu án efa beinast að Íslandi þessa daga á vori komanda," er haft eftir Þórdísi Reykfjörð Gylfadóttur utanríkisráðherra.

Fundur af slíkri stærðargráðu hefur ekki verið haldinn áður á Íslandi en 46 ríki eiga aðild að ráðinu. Ljósmynd/Stjórnarráðið

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir

• Blogga um frétt