Það var aldrei ætlun „aðila“ að hefta störf fjölmiðla á Keflavíkurflugvelli þegar 15 hælisleitendum var vísað úr landi aðfaranótt fimmtudags í síðustu viku. Við yfirferð á framkvæmd lögregluaðgerðarinnar kom hins vegar í ljós að tilmæli voru ekki nægilega skýr og harma bæði Isavia og embætti ríkislögreglustjóra að svo hafi verið.

Þetta kemur fram í sameiginlegri tilkynningu frá embætti ríkislögreglustjóra og Isavia.

Fulltrúar frá embætti ríkislögreglustjóra og Isavia funduðu í dag um aðgerðir lögreglu á Keflavíkurflugvelli í síðustu viku. Í tilkynningu frá embættinu kemur fram að í aðgerðum sem slíkum hefur lögregla stjórn á framkvæmdum þeirra og að mikilvægt sé að gott og skýrt samstarf sé á milli hennar og starfsfólks flugvallarins.

Á fundinum var ákveðið að taka ferli og verklag í aðgerðum af þessu tagi til gagngerrar endurskoðunar til að fyrirbyggja óskýrleika á vettvangi. „Sú vinna mun hefjast nú þegar,“ segir í tilkynningunni.

Tengdar fréttir

Flóttafólk á Íslandi

Vonast eftir breiðri þverpólitískri sátt

• Allt frá nokkrum tímum upp í viku í nýrri miðstöð
• Mjög dýrt að tryggja landamærin
• Greiningarmiðstöð hluti af 13 landamæraaðgerðum
• „Já, þetta er auðvitað mjög ómerkilegt af þér...“

» Fleiri tengdar fréttir

• Blogga um frétt