Réðust inn: „Brottvísanir eru ofbeldi“

Mótmælendur fóru inn á landssamráðsfund um aðgerðir gegn ofbeldi um fjögurleytið í dag, brutu sér leið upp á svið og hrópuðu: „Brottvísanir eru ofbeldi!“.

Fyrir aftan mótmælendurna og stóran borða sem þeir höfðu með sér sat forsætisráðherra, dómsmálaráðherra, ríkislögreglustjóri og ríkissaksóknari ásamt öðrum. Pallborðsumræður voru rétt í þann mund að hefjast. 

Frétt af mbl.is

„Samfélagsmein sem við verðum að uppræta“

Lögreglan fylgdi mótmælendum niður af sviðinu. Skjáskot/Facebook

Lögregla fylgdi mótmælendum burt

Brottvísunum hælisleitenda og framkvæmd þeirra hefur verið mótmælt harðlega í kjölfar brottvísana sem framkvæmdar voru fyrir um viku síðan. 

Lögregla fylgdi mótmælendunum niður af sviðinu og mátti heyra mótmælanda sem hrópaði í hljóðnema á svæðinu segja ítrekað: „Ekki snerta mig“. Að uppákomunni lokinni hélt málþingið áfram og ræddu þar ýmsir fulltrúar stjórnvalda um viðbrögð og úrræði vegna ofbeldis í samfélaginu.

Frétt af mbl.is

Vona bara að þetta hafi verið klúður og fljótfærni

Frétt af mbl.is

Beint: Landssamráðsfundur gegn ofbeldi

• Blogga um frétt