Utanríkisráðuneytið fylgist grannt með
Setja bókamerki
Utanríkisráðuneytið hefur enn ekki gripið til neinna sérstakra ráðstafana vegna áríðandi fundar þjóðaröryggis- og varnarmálanefnd Póllands sem Mateusz Morawiecki, forsætisráðherra Póllands, boðaði til í kvöld en fylgist grannt með stöðu mála.
Bandarískur embættismaður hefur staðfest fregnir um að eldflaugar hafi hafnað í Póllandi og orðið þar tveimur að bana. Pólland hefur ekki átt beinan þátt í stríðinu til þessa, en landið tilheyrir Atlantshafsbandalaginu.
Of snemmt að segja nokkuð
Sveinn H. Guðmarsson, upplýsingafulltrúi ráðuneytisins, segir í samtali við mbl.is að fregnir af fundinum í Póllandi séu svo nýtilkomnar að ekkert hafi gerst í utanríkisráðuneytinu.
„Ég held að það sé aðeins of snemmt að segja nokkuð,“ segir Sveinn.
Þórdís Kolbrún Reykfjörð Gylfadóttir utanríkisráðherra er nú stödd erlendis.
Hata uppistand mest
Orlofsfé Dags einsdæmi
Brást illa við afturköllun á skotvopnaleyfi
Fer fram á þungan dóm yfir Pétri Jökli
Grafalvarlegt náist ekki að semja