„Ég held að það sé alveg ljóst að þeir sem báru ábyrgð á þessari framkvæmd eru ekki að fara að bera ábyrgð á næstu framkvæmd,“ segir Lilja Alfreðsdóttir, menningar- og viðskiptaráðherra, spurð um aðkomu Bankasýslunnar að sölunni á Íslandsbanka.

„Það er fram­kvæmd­in sem klikk­ar. Ég var ekki hlynnt þessari aðferðafræði en fagfólkið ráðlagði stjórnvöldum hana eindregið, þar sem aðferðafræðin hef­ur verið notuð ann­ars staðar og gengið ágæt­lega. Hins vegar er markaður­inn okk­ar grunn­ur, það er ekki það mikið af fag­fjár­fest­um á Íslandi, það get­ur verið að þessi aðferðafræði hafi ekki átt við í þessu fá­menna sam­fé­lagi,“ segir Lilja í samtali við mbl.is.

Frétt af mbl.is

Bankasýslan situr fyrir svörum á morgun

100 sinnum fleiri fjárfestar í fyrra útboði

Lilja nefnir að nú hafi 22,5% hlutur bankans verið seldur til 207 fjárfesta en í almenna útboðinu níu mánuðum áður hafi 35% hlutur bankans verið seldur til 24.000 fjárfesta.

Fyrsti hluti sölunnar hafi verið mjög vel heppnaður en sá seinni hafi ekki gengið vel í framkvæmd.

„Ég er á því að skynsamlegt sé að draga úr eignarhaldi ríkisins á Íslandsbanka en við eig­um að gefa okk­ur tíma í það,“ segir Lilja.

Það sé mikilvægt að flýta sér hægt í tengslum við söluna á þeim hlut í bankanum sem ríkið á enn. Hún vill bíða eftir skýrslu Fjármálaeftirlitsins um síðustu sölu áður en farið er að huga að þeirri næstu.

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• Blogga um frétt