Veigamestu atriðin sem enn á eftir að komast til botns í varðandi Íslandsbankasöluna í vor eru þau sem Fjármálaeftirlitið er nú að kanna. Meðan sú skýrsla liggur ekki fyrir er ekki ástæða til þess að láta málið í hendur rannsóknarnefndar Alþingis. Þetta segir Lilja Rannveig Sigurgeirsdóttir, þingmaður Framsóknarflokksins.

Lilja Rannveig, sem skipar sæti í stjórnskipunar- og eftirlitsnefnd, sat fundinn með Bankasýslu ríkisins í morgun.

Frétt af mbl.is

Hefði getað valdið hruni á markaði

Hún tekur undir mikið af þeirri gagnrýni sem kemur fram í skýrslu Ríkisendurskoðunar en kveðst þó sammála sjónarmiðum Bankasýslu ríkisins að því leytinu til að salan hafi verið hagfelld fyrir ríkissjóð.

Þá segir hún einnig að sú gagnrýni Bankasýslunnar, um að stofnunin hafi ekki fengið tækifæri á að svara lokaútgáfu skýrslu Ríkisendurskoðunar, sé réttmæt. 

Lilja Rannveig Sigurgeirsdóttir. Ljósmynd/Aðsend

Stjórnskipunar- og eftirlitsnefnd hefur nú óskað eftir öðrum fundi með Bankasýslunni en ekki liggur fyrir hvenær hann verður haldinn.

Frétt af mbl.is

Tjón íslensks almennings ótvírætt

Lítur lekann alvarlegum augum

Hvað varðar leka skýrslu Ríkisendurskoðunar til fjölmiðla degi áður en hún var birt opinberlega, segir Lilja sárt að sjá að þingmenn gátu ekki haldið trúnaði.

Sérstök áhersla hafi verið lögð á trúnað í þessu tilfelli og lítur hún málið mjög alvarlegum augum. 

Frétt af mbl.is

Flýttu birtingu skýrslu Ríkisendurskoðunar

Tengdar fréttir

Sala á hlut ríkisins í Íslandsbanka

Selja Íslandsbanka og gefa almenningi forgang

• Stefnt að afgreiðslu Íslandsbankasölu á vorþingi
• Íslandsbanki verði seldur á árinu
• Ekki eins og jólasveinn á hreindýrssleða
• Fresta sölunni á Íslandsbanka

» Fleiri tengdar fréttir

• Blogga um frétt