Meta frekari skriðuhættu með aðstoð dróna

Eftirlitsmaður frá Veðurstofunni hefur verið að störfum í morgun ásamt lögreglu á vettvangi þar sem aurskriða féll á Grenivíkurveg. Hefur lögreglan myndað umfang skriðunnar með dróna og flogið yfir hlíðar fjallsins til að safna gögnum fyrir sérfræðinga Veðurstofunnar, en búist er við að vinna beggja aðila muni standa fram í myrkur. Frá þessu greinir lögreglan á Norðurlandi eystra á Facebook-síðu sinni.

Gögnin verða notuð til að meta líkur á frekari aurskriður og í framhaldi af því verða teknar ákvarðanir um hvort óhætt sé að ryðja aurnum af veginum og opna hann fyrir umferð. Þangað til verður vegurinn lokaður, en á meðan er opið um hjáleið um Dalsmynni.