Sigur Rós tróð upp í París í byrjun mánaðarins þar sem mbl.is hitti Georg Hólm og spurði hann út í nýjustu vendingar hjá sveitinni og fylgdist með tveimur mögnuðum tónleikum. Ný plata er væntanleg, strákarnir eru í hörku formi og þá er byrjað að breiða út fagnaðarerindið á Tik-Tok! Hvernig til tekst að sjóða 10 mínútna ópusa niður í nokkurra sekúndna video er eitthvað sem sá sem þetta skrifar mun líklega aldrei vita. En það er gott að vita til þess engu að síður. 

Frétt af mbl.is

Eiginlega frekar lélegir rokkarar

Í spjallinu er farið lauslega yfir stemninguna á túrnum og feril sveitarinnar sem nálgast óðfluga að verða þrítug. Þá er að finna ítarlegt viðtal við Georg með öðrum áherslum í Sunnudagsblaði Morgunblaðsins en þetta er í fyrsta skipti sem hann fer á tónleikaferðalag með sveitinni allsgáður. 

Um næstu helgi lýkur tónleikaferðalagi Sigur Rósar um heiminn með stórtónleikum í Laugardalshöll. Þar munu strengjasveitin Amiina og brassbandið Brassgat í bala leika með strákunum, er það í fyrsta skipti í 14 ár sem það gerist en tónleikunum verður jafnframt streymt á netinu. Enn er hægt að fá miða tónleikana á tix.is

Sigur Rós kom fram á tónleikum á Zénith í París dagana 4. og 5. nóvember 2022. Hér sést Goggi munda bassann á sinn einstaka hátt. mbl.is/Hallur Már

Tengdar fréttir

Talandi um tónlist!

Þurfti að bæta við sætum vegna mikillar aðsóknar

• „Það var mjög gaman að kynna tónlistina mína fyrir Frökkum“
• GDRN hitar upp fyrir Sisters Sledge
• Vinsælasta ballband Íslandssögunnar stígur á svið
• MTV-sjónvarpsstöðin elskar Laufeyju

» Fleiri tengdar fréttir

• Blogga um frétt