Stýrivextir Seðlabanka Íslands voru hækkaðir um 0,25 prósentur í morgun og segir Kristján Þórður Snæbjarnarson, forseti ASÍ, það vera skelfilega þróun ef Seðlabankinn ætli sér að vera með pólitísk skilaboð sem þessi út á markaðinn. Hann segir þá einu sem njóti góðs af vaxtahækkuninni vera fjármagnseigendur og að augljóst sé að hækkanirnar muni ekki hjálpa til við að draga úr verðbólgu.

Frétt af mbl.is

Vextir hækkaðir um 0,25 prósentustig

„Stýrivaxtahækkun Seðlabankans fer auðvitað gríðarlega illa í okkur. Þetta eru alls ekki skilaboð sem eru rétt inn í þá stöðu sem er í dag. Þetta gerir málin eingöngu erfiðari frekar en hitt við endurnýjun kjarasamninga. Maður hefur verulegar áhyggjur af því að þeir sem hagnast á þessum stýrivaxtahækkunum eru auðvitað bara fjármagnseigendur og enginn annar sem nýtur góðs af þessu núna,” segir Kristján.

Pólitísk skilaboð seðlabankastjóra skelfileg þróun

Ásgeir Jónsson seðlabankastjóri sagði að enginn ætti að trúa því að vextir yrðu ekki hækkaðir þar sem það gæti hæglega gerst ef staðan versnaði. Það myndi þó ekki gerast nema það væri talið nauðsynlegt en þetta kom fram á kynn­ing­ar­fundi pen­inga­stefnu­nefnd­ar Seðlabank­ans í morg­un. Spurður út í þessi ummæli segir Kristján það vera skelfilega þróun ef Seðlabankinn ætli sér að vera með svona pólitísk skilaboð út á markaðinn.

Frétt af mbl.is

Geta „ekki fjármagnað Tene-ferðir úr forðanum“

„Það er í fyrsta skipti núna sem við erum að sjá að Seðlabankinn er að beita sér með beinum hætti við gerð kjarasamninga og það er auðvitað skelfileg þróun ef Seðlabankinn ætlar sér að vera með svona pólitísk skilaboð út á markaðinn,“ segir Kristján.

Mun ekki hjálpa til við að draga úr verðbólgu

Spurður hvort seðlabankastjóri sé að senda þau skilaboð út á markaðinn að kröfur séu ekki raunhæfar segir Kristján ekki vita hvort það sé staðan en augljóst sé að þetta hafi ekki jákvæð áhrif á verðbólgu.

„Ég svo sem veit það ekki hvort hann sé að meta það sem svo eða hvort hann sé búinn að búa til væntingar sjálfur um þá stöðu. Það er mjög erfitt að lesa akkúrat í það en það er augljóst að þetta mun ekki hjálpa til á neinn hátt á markaði til þess að draga úr verðbólgu,“ segir Kristján.

Ávinningur kjarasamninga 2019 þurrkaður út

Vilhjálmur Birgisson formaður Starfsgreinasambandsins sagði í viðtali fyrr í dag að búið væri að þurrka upp allan ávinninginn af því sem náðist árið 2019. Kristján segist geta tekið undir þau ummæli heils hugar og að þetta væru orð að sönnu.

Frétt af mbl.is

Sakar SÍ um skemmdarverkastarfsemi

„Ég er auðvitað sammála þar sem markmiðið með samningunum 2019 var að stuðla að lægri vöxtum hér á landi sem tókst framan af. Núna eins og staðan er í dag eru vextir orðnir þó nokkuð hærri en þegar við gerðum síðustu kjarasamninga. Það er búið að þurrka algjörlega út þann ávinning sem við náðum þar þannig ég tek heilshugar undir þau ummæli.“

Tengdar fréttir

Vextir á Íslandi

Indó lækkar vexti

• „Ekki svigrúm til frekari launahækkana“
• Óttast að fólk fari aftur að eyða peningum
• Skiptir mestu máli að fjárlögin voru samþykkt
• Gera ekki ráð fyrir að samhljómurinn verði rofinn

» Fleiri tengdar fréttir

Kjaraviðræður

Viðræður ekkert þokast frá því á þriðjudag

• 58% styðja verkfallsaðgerðir kennara
• Sólveig Anna furðar sig á aðferðum kennara
• Viðræður í Karphúsinu ganga misvel
• Svona verður verkfall lækna á Akureyri

» Fleiri tengdar fréttir

• Blogga um frétt