Endurmat á íbúafjölda landsins, í kjölfar nýs manntals Hagstofunnar, gæti leitt til endurmats á íbúðaþörf á Íslandi.

Samkvæmt manntalinu, sem kynnt var í síðustu viku, bjuggu um 359 þúsund manns á Íslandi í byrjun síðasta árs, eða um tíu þúsund færri en áður var talið.

Skýringin er fyrst og fremst vantalning á fjölda íslenskra og erlendra ríkisborgara sem flytja af landi brott.

Mikið rætt um skort

Rætt er við Ernu Björgu Sverrisdóttur aðalhagfræðing Arion banka um þetta endurmat í ViðskiptaMogganum í dag.

Erna Björg segir að ef rétt reynist sé íbúðaþörf út frá íbúafjölgun því hugsanlega ofmetin en mikið hafi einmitt verið rætt um skort á íbúðum, með hliðsjón af tölum um öra íbúafjölgun síðustu ár. Til að setja mismuninn á manntalinu og fyrri áætlun í samhengi þá er hann ríflega tvöfaldur íbúafjöldi Seltjarnarness, en þar bjuggu tæplega fimm þúsund manns síðustu áramót skv. hinum opinberu tölum Hagstofunnar.

Erna segir nýjan veruleika eiga eftir að birtast á íbúðamarkaði. Hækkanir komi á óvart.

Lesa má meira um málið í ViðskiptaMogganum í dag. 

Tengdar fréttir

Húsnæðismarkaðurinn

Nýtt fjölbýlishús byggt í Skeifunni

• Færir borgarbúa nær hver öðrum
• Áætla að tíu þúsund íbúðir standi tómar á Íslandi
• Leiguverð spilar stærra hlutverk en áður
• Verulegur skortur á íbúðarhúsnæði blasi við

» Fleiri tengdar fréttir