Stýrivaxtahækkun Seðlabankans í morgun hefur gríðarleg áhrif á kjaraviðræðurnar sem staðið hafa yfir frá því á mánudag hjá ríkissáttasemjara að sögn Vilhjálms Birgissonar formanns Starfsgreinasambandsins. Óvissa er komin upp um framhald viðræðnanna. 

Frétt af mbl.is

Vextir hækkaðir um 0,25 prósentustig

„Það er algjörlega með ólíkindum að Seðlabankinn skuli voga sér að senda þau skilaboð út á meðan við sitjum hér einbeitt í að reyna að ná kjarasamningum og ná  niður verðbólgu og vöxtum að við skulum þá fá þessa rennandi blautu tusku framan í andlitið frá þessum egóistum upp í Seðlabanka,“ sagði Vilhjálmur áður en hann gekk inn á fund samninganefndarinnar með SA í húsnæði Ríkissáttasemjara um kl. 10 í morgun.  

„Það er með ólíkindum að þeir skuli voga sér að gera þetta. Þeir eru nú þegar búnir að þurrka upp allan ávinninginn af því sem við gerðum 2019 og þeir halda þessari skemmdarverkastarfsemi áfram,“ sagði Vilhjálmur.

Vilhjámur sagði ennfremur í samtali við mbl.is fyrir samningafundinn sem átti að hefjast kl. 10 að ákvörðun Seðlabankans muni hafa alvarlegar afleiðingar í för með sér og  næstu mínútur muni ráða hvert framhaldið verði.  

„Ég er svo gáttaður á taktleysinu sem er í samfélaginu, þar sem allt snýst orðið um fjármálaöflin en almenningur þarf að blæða. Svona vaxtahækanir hafa gríðarleg áhrif á skuldsett heimili,“ sagði Vilhjálmur.   

Tengdar fréttir

Vextir á Íslandi

Verkalýðshreyfingin pólitísk í eðli sínu

• Seðlabankinn með „fulla innistæðu“ fyrir vaxtalækkun
• Óvissa um útfærslu mjög óheppileg
• Ánægjulegt að ávinningur birtist í lægri verðbólgu
• „Erum á réttri leið“: Biðlar til orkufyrirtækja

» Fleiri tengdar fréttir

Kjaraviðræður

Erfiðlega gekk að setja fund í borgarstjórn

• „Skapa ójafnræði og óréttlæti“
• Börnum mismunað: Kjaradeilan verði leyst án tafar
• „Það er engin ákveðin hreyfing í deilunni“
• Boða til nýs verkfalls

» Fleiri tengdar fréttir

• Blogga um frétt